將愛驅洗乾抹淨、打番層靚蠟，就如你我走入飛髮舖般，變成農曆年前指定動作。但就算幾努力都好，燈罩及雨擋呢類膠製品，大小花痕都會出賣你架車有幾舊，NTI就首度引入蛙蠟，配以3,000rpm高速拋光技術，令全車由頭到尾立立令，就連最高難度嘅碳纖，一樣100%回復青春。
記者：徐影龍
攝影：周旭文
Model：Betrys@GMEModels
抵過全車翻新
OG蛙蠟最驚喜嘅，係過往令人束手無策嘅膠料製品，如頭尾燈罩、門頂雨擋等，就算無大大條花痕，都總是滿佈細密蜘蛛紋，無得救惟有換新件，但佢因用修補代替研磨，所以呢類透明膠品，經長時間拋光後，已可回復如新光亮。
最重要係連碳纖物料都Handle到，黑底其實最易見到花痕，只要未傷及底層碳纖，經處理後一樣變成新Parts。雖則價錢比最高級嘅水晶蠟護理仲要貴$800，但絕對物有所值，莫講話如拉利Spider16M呢類全身鋪滿Carbon嘅靚車，就算一眾街霸戰神改裝辣跑，多幾百蚊可以回復昔日青春美麗，兼且「打番好個底」，固本培元，平過你全車噴油翻新啦！
著名車手盧向榮Wing
自己架Fairlady嘅碳纖，本身好多花痕同變得偏啡色，做完蛙蠟後又真係靚到好似新嘅一樣，有驚喜！
蛙蠟抗高溫唔怕喪磨
無論你點痛錫愛驅、花大錢餵以高級水晶蠟都好，長年累月下來，喺陽光底下，蜘蛛紋只會越變越多，點打理都總有唔夠新嘅感覺。最大原因係傳統水晶蠟以研磨方式作拋光處理，不但使用粗蠟時會留低更多花痕，遇着一般汽車美容公司，用打蠟機時產生嘅高溫，更令底蠟越磨越薄，最後傷及車身漆油，即俗稱「打穿車」，車主惟有不斷密密上蠟保持亮度，新蠟只保留喺表面，打磨機一磨就散，好哋哋一架靚車，俾你搞到無靚蠟同底漆，失敗！
NTI在港首度引入OG嘅鑽石蛙蠟，一反傳統，以修補代替研磨，將納米粒子填入大小花痕之中，再以每分鐘3,000轉嘅拋光機作拋光處理。頂得住咁高速嘅磨擦，全因蛙蠟達到飛機保護膜級數，喪轉下仍保持硬淨，兩者相輔相成下，令車身回復只有新車才可出現嘅100%光滑，難怪連劉華同法拉架七人車都要幫襯喇！
NTI負責人Pat姐
OG蛙蠟以修補式處理，能100%回復新車狀態。
碳纖位及燈罩照磨
讀者三折優惠價
《蘋果》揼NTI心口，攞筍價益讀者，差不多已成每年慣例，負責人Pat姐話想多啲人體驗蛙蠟嘅威力，今次玩大啲，除全車OG鑽石蛙蠟護理外，再加洗車、去舊迹、吸塵、皮革護理及輪胎護理，總值$3,530，讀者優惠價只須$1,200，近乎三折！由今日起到1月30日，只須拎住今日份《蘋果日報》走入NTI就得，名額只限100個。
查詢：23452193（NTI快速汽車護理）