今時今日做生意真係唔容易，好似謝瑞麟個新抱謝邱安儀咁，為咗令全人類都知道「謝瑞麟」（417）呢個珠寶首飾品牌，成日要度橋，近排佢就度咗條好橋，請咗全球微雕大師WillardWigan嚟，喺100瓣切割面嘅Estrella鑽石上面微雕一個藝術品。
一般人對WillardWigan可能唔係咁認識，不過呢位大師，真係藝術界猛人，佢嘅雕刻藝術，被喻為「世界第八大奇蹟」。
華華聽講，佢曾經用一粒沙，雕刻出一座完整嘅聖巴薩羅姆教堂（StBartholomew'sChurch），堪稱雕刻史上鬼斧神工之作。
WillardWigan同邱安儀會擦出乜嘢火花，4月先會揭盅，不過，據華華所知，邱安儀計劃將產品申請刷新健力士世界紀錄，為求全球響朵兼流芳百世。