八方嘅鄰居單仁早前講過，中聯辦主任彭清華近大半年來，不時獲安排去北京中央辦公廳「實習」，估計佢有望更上層樓。新一期嘅《新維月刊》報道，繼王光亞接替廖暉出任港澳辦主任後，中聯辦亦將有人事變動；坊間本認定現任副主任李剛係彭清華接班人，但家出現一個新名字──就係現任澳門中聯辦副主任徐澤。
《新維》另一篇報道更「引人入勝」，話華叔早年曾申請加入共青團，仲話中方嘅檔案內保存住一份司徒華50年代親筆撰寫嘅入團申請書，通篇情真意切，充滿愛國熱情。
報道又話，華叔病重期間，中央曾派醫療小組來港會診，都係來自廣州腫瘤醫院嘅腫瘤專家，其中好幾個都參加過民建聯前主席馬力嘅醫療小組。