今年4月震撼登場的全球首部3D情慾片《3D肉蒲團之極樂寶鑑》，宣傳花臣層出不窮，電影公司本周會在維園擺設年宵攤位，由片中女主角、Fcup乳神雷凱欣親自睇檔，實行反轉花市，硬銷印有其肖像的立體胸形滑鼠墊和巨型攬枕等鹹味產品，搶錢之餘還趁兔年胸降宅男家，任攬任摸兼陪瞓。2011必爆的雷乳神，正等行相士預言的十年大運，難怪她豪語樂做宅男性幻想對象。
籌備經年的3D情慾片《3D肉蒲團之極樂寶鑑》暫定4月14日於港、台、韓三地同步上畫，雖然距離上映期仍有3個月，但電影公司將食住農曆新年黃金檔搶錢，本周在銅鑼灣維園花市開設兩個攤檔，出售印有四位女主角Fcup乳神雷凱欣、日本AV女優原紗央莉和周防雪子以及內地艷星藍燕肖像的宅男產品，包括價值$238的巨型攬枕、$98的立體胸形滑鼠墊、$88的T恤及$68的吹氣胸圍等。
扮蟹橫行不怕博懵
日前雷凱欣到位於灣仔的電影公司首次視察產品，同場的老闆蕭定一表示，今次訂製了1,500個滑鼠墊、1,000個攬枕、5,000個吹氣bra和2,000件T恤，他對銷情甚為睇好：「暫時定單最好係mousepad，夠實用，用起嚟亦好舒服，遲吓仲有電影寫真集推出。」
當日一身性感裝扮的雷凱欣雙峯逼爆衫，打扮極其性感，她透露已向電影公司自動請纓去花市睇檔，但她手指拗出唔拗入，笑說：「我哋啲師奶仔應該幫手講價，年宵拗平啲。我頭先試過攬枕係最舒服，但體積太大霸咗半張床，mousepad就實用同過癮，張相又符合胸形，啱晒。」雷凱欣性感出巡，問她會否擔心被博懵？她笑說：「都驚o架，公司話畀多啲保安，可能我易容入去，到攤位先變真身；戴吹氣胸圍都得，或者着戲服，套衫係有斗篷，全部撐開晒，咁啲人就埋唔到我身，我喺片場着時成日唔小心勾到人哋，惟有好似蟹咁打橫行先唔會撞到人。」
雷凱欣Fcup胸襲宅男家，她無懼其鹹味產品令男士在家想入非非，她說：「都控制唔到，平時有啲人print我哋啲相嚟做呢樣嘢，睇住雜誌又係做呢樣，如果滿足到佢哋嘅要求，呢啲產品反而好過影相。如果宅男視我為性幻想對象，即係我成功囉，呢個係我一路努力嘅目標。」
今夏出露三點寫真
《3D肉蒲團》4月震撼登場，27歲的雷凱欣已被視為2011必紅icon，她自爆曾被相士批她從今年開始行十年大運，她說：「舊年年底我喺台灣做嘢時，見到個塔羅牌師傅，佢話五個月後你會紅，嚟緊行十年大運；其實以前有經理人公司時，都攞過我嘅八字去睇過，都話係大約呢啲時間，不過嗰時自己冇心裝載。」現在的雷凱欣已豁出去，那怕被指走上艷星不歸路，她說：「你label我係艷星，我就做畀你睇，仲要做到最盡。」
情慾片是雷凱欣放開胸懷第一擊，早年o靚模出身的她正計劃第二波，於暑假殺入寫真界，「家努力備戰緊，我好恨拍寫真，一來留到畀小朋友睇，二來可以畀人講好耐同欣賞好耐。」只要效果靚，她會考慮三點再露，不過她強調拍寫真並非撼o靚模，她笑說：「因為佢哋唔係我挑戰嘅目標。」
採訪：夏琴
攝影：陳俊強