八方日前介紹過，一個146年前香港發行嘅四連張錯體維多利亞女皇像郵票（圖），噚日拍賣，結果以640萬港元成交，創下香港拍賣會上成交價最高嘅香港郵票紀錄。
郵品專家喺預展時，曾估計呢個四連張可以賣到800萬至1,200萬港元。噚日拍賣以640萬港元成交，相較當年呢四個相連嘅郵票每個面值只係「九十六先時」（96cents），仍然升咗好多。
所謂錯體，係郵票原本印棕灰色卻印錯咗做橄欖棕色；原本皇冠下面「CC」字樣嘅水印又印錯喺皇冠上面。當時香港郵政局推出超過12,000張郵票，家全球得番40幾張，四連張就得呢套。