【本報訊】兔年新春臨近，年宵市場將於本周五開鑼，隨人工、塑膠貴10%，棉花更貴一半，料乾貨精品售價較去年升10%至15%，攤檔都各出招搶客，有的推出附上孭帶的吹氣樓「淘金居」，讓市民在瘋狂樓市下仍可輕輕鬆鬆「買樓」，「呢幢樓孭起放低都好易，現實中難好多」。其他攤位不敢怠慢，推首創活動兔年公仔、iWrite公仔應戰。
記者：翁煜雄
行年宵都買到樓！24歲從事教育工作的Brian與同事等，首辦年宵攤檔便到戰況最激烈的維園，撒手鐧是有手腳的吹氣樓，還有兩條孭帶，如公仔印着的打油詩般，「兔年買到樓、整幢揹着走」。公仔留空位填送贈人名，他笑說：「如果有女朋友話要有樓先結婚，可以送呢幢畀佢。」
攤位雖叫「兔現地產」，但這位80後絕非地產經紀，自創打油詩後兩句便是「絕無發水不用愁、置業安居樂無憂」，「香港太荒謬，賣發水樓都得，咁多人又受喎」。Brian表示，產品靈感源自一次教小四學生作文，「題目講有錢會買乜？結果全部話買樓、股票、車，冇人話買遊戲機同玩具」。
Brian說希望藉此玩意讓大家反思，「呢幢樓孭起放低都好容易，現實中就難好多」。他又叫家人製作兔公仔，「叫『最低時薪兔』，因為阿媽話做一隻要成個鐘o架，都係賣20咋」。
吹氣兔手腳頭可扭轉
全港年宵市場將由本月28日至下月3日舉行，為不少攤檔製作精品的思領公司總經理劉江霖說，近期工人、塑膠原料等平均貴10%至20%：「內地凍咗好多，要出多啲錢啲工人先肯趕工。」他說部份如棉花短期內貴近50%，公仔現較少填棉花，改為較便宜的發泡膠粒；他預期年宵精品售價會上調10%至15%。
該公司今年首創手、腳及頭可扭轉的吹氣兔公仔，他說花了兩年設計，因為手、腳、頭及身其實是分開，「駁位要好準確，闊咗窄咗都會砌唔埋。呢款定單反應幾好」。
更生青年手工製書架
對於檔主自行設計的產品，他說往年要訂製逾千個才會接單生產，但因今年攤檔租金貴，檔主都緊縮開支，「我哋惟有500個嘅單都接」。
理工大學學生阿一，在黃大仙摩士公園的年宵攤位擺賣由衣架屈曲製成的書架「Standup」，書架並有不同尺碼，最細可放iPhone4，書架設計專利購自韓國，但由本地更生青年手工製作，「等多啲市民接觸、了解佢哋」。他又設計外形酷似iPhone4的吹氣公仔iWrite，上面可寫新年願望：「買唔到iPhone4都有呢部嘛。」