【本報訊】東涌逸東邨發生青年在客廳收衫墮樓慘劇，不少住戶聞之色變，有街坊感嘆「年尾流流發生咁嘅意外，好陰公」。公屋聯會主席王坤則指公屋晾衫架一直是死亡陷阱，出事的逸東邨屬和諧式設計，晾衫架原本設於廚房外牆，但衣物會吸去樓下單位的煮食油煙，住戶都不採用。
促房署改善設計
至06年房署始准許住戶在客廳外牆安裝橫放鐵通晾衫，但並無相關安裝規格限制，近年曾有住戶疑站得太近窗邊失重心墮樓死亡意外。
王坤稱，從前舊式公屋的三支香式晾衫架已發生多宗住戶晾衫或收衫墮樓意外，想不到今日同類意外仍發生，希望房署檢討公屋晾衫架設計作出改善。房署發言人則表示會了解事件，暫不評論。
逸東邨不少住戶對發生慘劇感惋惜之餘，詬病晾衫設施欠佳。街坊朱太及卓太指：「喺廚房晾衫好污糟，入伙初期已喺客廳窗外加建晾衫架，初時啲鐵通好硬淨，但後期裝嘅鐵通疑質素差唔受力，大力啲㩒支鐵通會彎曲，唔小心係好易出事。」
住客黃先生指近年晾衫架鐵通由原價每支300元降至100多元，質料亦隨之下降，每次晾衫都不敢借力。有街坊更指大部份住戶為貪方便，會拆去客廳窗花方便收衫和晾衫，易生意外。