情侶分手本屬常事，呂方和鄭裕玲（嘟嘟）甩拖後，呂方早前竟形容自己是坐監多年，惹起網民喪插。呂方和官恩娜昨日在沙田馬場為綠色音樂會表演，呂方說：「第一次去馬場，我唔好賭，過年同屋企人打吓麻雀仔就算。」談到嘟嘟不想回應他的坐監言論，呂方聞言也有點不自在說：「我都唔想回應，唔想越描越黑。」他指兩人私下沒有再聯絡，他說：「我唔係呢啲人，講嘢輕重好難分得清，唔想再講，再講都冇意義，唔想俾人覺得拎嚟做宣傳。」他更指有關報道誤解他的意思。
大表不耐煩
呂方受到網民狂鬧，問他被千夫所指，可會不快？他無奈苦笑：「唔會！」問到可會私下致電嘟嘟解釋？他即不耐煩地說：「咪講咗話唔會囉，真係表達能力差少少都出事。」當記者着他可向外澄清兩人關係相處，呂方卻說：「我唔澄清，唔需要。」
採訪、攝影：譚倩宜