林峯索爆堂妹林夏薇近日熱爆網絡，就連感情生活都被大起底，有雜誌踢爆她與舞台劇演員楊政楠的地下情。
二人近日合演舞台劇《中國皇后號》，日前被偷拍到在馬鞍山麥當勞撐枱腳，女方體貼餵包，其間又互攬做連體嬰，儼然熱戀情侶，最後更一同返歸馬鞍山翠擁華庭，不過薇薇前日否認蜜運：「我家single，佢（楊政楠）唔係我男朋友，大家係同事，我都有為呢個誤會同佢saysorry。」
提到摟抱親熱舉動，薇薇解畫：「如果goodshow做得好，每個人我都會擁抱，男女都會。」薇薇也強調自己並非住在翠擁華庭，她說：「嗰個地址真係唔啱，我同屋企人住九龍塘。」
相信緣份
事業正處於起步階段，着緊事業的薇薇當然避談兒女私情，她說：「有男友我係唔介意公開，但亦唔想公開。」薇薇表示擇偶條件不首選靚仔，但彼此必定要有緣，她說：「我冇諗咁多，緣份要嚟就會嚟。」