車迷對超跑總有迷戀，加上以純電驅動的，兩者熱辣話題元素合而為一，怎能不引起哄動呢！香港是彈丸之地，要見識第一流及最新電動車，始終要遲一步。不過最近Audi位於尖沙嘴的新Showroom開幕，早料到廠方當然要ShowOff，但估不到會有超勁驚喜，運來最新開發的純電動超級跑車e-tron，想睇一流電動車，唔使飛到歐洲咁遠喇！
記者：趙慧敏
攝影：林栢鈞
外形前衞無得彈
話e-tron是Audi的寶貝絕對無錯！在Showroom展出期間不可隨便郁車，所以人人都只可眼看手勿動！不過可近距離欣賞這部前衞概念電車，是一種享受。兩座位的e-tron首次於法蘭克福車展亮相，當然令人眼前一亮，4.26米車長、1.9米的車寬及1.23米的車高，全車以ASP鋁合金車架及碳纖打造，總重量只有1,600kg，加上流線型的設計，令車身風阻系數達到極低水平，最終目的無疑是將耗電量減至最低。
雖然很多人視e-tron為電動版的R8，不過e-tron外形上，明顯較R8更走快幾步，具備不少未來科技感，e-tron車頭依然是Audi盾形招牌鬼面罩，不過全電鍍配合下，令車形更加兇猛。
倒後鏡變鏡頭
全車的側鏡，由原來的玻璃鏡變成由鏡頭所取代，影像在A柱旁的屏幕顯示，既是嶄新設計，相信任何人有幸駕駛這部電動超跑，亦要一改駕駛習慣呢！
同Supercar一樣跑得
外形固然吸引，最大賣點還是純電驅動，完全達到零污染零排放。e-tron配備一個電動馬達，加上採用Audi王牌quattro恒久四輪驅動系統，令最高輸出馬力達313匹，加上令人驚嘆的4,500Nm強大扭力，別忘記它是在開發初期已發展出來，毋須如混能車般轉到某一轉數才釋出，難怪由0-100km/h就能有4.8秒的佳績。至於最高續航達248公里，最高時速鎖定在200km/h，完全令駕駛者體驗電動車可發揮的威力，令電動車都有Supercar性能。
e-tron雖仍是概念階段，據了解廠方已計劃了其量產，相信投產初期產量十分有限，將來是否有機會見它在香港路面行駛，仍要拭目以待！想搶閘一睹e-tron真面目，可於2月10日前到Audi新Showroom。
講開e-tron，要提提尖沙嘴新陳列室，佔地二萬平方呎，樓高三層，地下及一樓可擺放14部車。二樓的Gallery於下半年才投入服務，可提供藝術展覽及各類文化演藝及講座活動之用，並設有Cafe。陳列室外形亦極為搶眼，外牆以全鋁蜂巢式設計，十分耀目呢！
e-tron規格
電池：42.4kW/h水冷式鋰電池組
馬力：313hp
扭力：4,500Nm
傳動：quattro恒久四輪驅動系統
地址：尖沙嘴漆咸道南79號中國五礦大廈地下
查詢：23802233