詹瑞文名為「踢舘」的棟篤笑前晚舉行頭場，除了大唱近日在網上大熱、改編自劉德華和台灣電音天后謝金燕的歌曲外，又玩盡娛圈中人，更率觀眾勁寸林峯攞亞太區最受歡迎香港男歌星名不副實。
這趟是詹瑞文入行多年來，首次在紅館舉行表演，棟篤騷「踢舘」吸引近7,000名觀眾捧場外，藝人向佐與女友Race、腹大便便的Rosanne偕老公等到場。老闆林建岳就跟新女友、日籍藝人鈴木仁前助手林寶賢（Michelle）前後腳出現，但Michelle對記者拍照非常避忌，一直低頭和用場刊遮臉。
節目一開始，阿詹以金色西裝配黑超出場，大唱改編自劉德華歌曲的《Idon'twannasay仆街》，更大講諧音粗俗俚語。到第二個環節「吳『囗（音啹）』與你」時，他就解釋『囗』字來源，他說：「即係好多人壓住你，放唔到啲氣出嚟，所以唔囗。咁有個chok樣男歌手，連續兩屆chok咗個亞皆老街至太子道西最受歡迎男歌手，你哋囗唔囗呀。」現場觀眾即時起哄大叫唔囗時，才發現無綫高層樂易玲也在場。
除了大玩林峯chok樣外，古天樂的普通話及新聞人物陳振聰將跟龔如心拍拖片段放上法庭一事，也成為阿詹的取笑話題，之後又唱出改編自謝金燕名曲的《嘟嘟嘟》。
澄清非玩華仔
尾聲時，阿詹為改編華仔歌曲《Idon'twannasaygoodbye》解釋說：「我認識嘅華仔係做大事嘅人，唔會將呢啲小玩意放喺心。我改首歌係因為原本嘅歌詞好hit中我，唔想同fans講再見嘅心情。我首歌都係時下香港人嘅心聲，唔想見香港同自己仆街。」他一再強調並非惡搞華仔，只是講出自己感覺。
採訪：李珮洳
