【本報訊】河上鄉洪聖誕廟會100周年，也成為武林大會，因十多個門派名師如梁挺等，將數十年來首次齊齊「露兩手」，讓市民及遊客一次過飽覽詠春、太極、八卦掌、洪拳等功夫，「社會越嚟越唔重視功夫，香港以前有過百門派o架，家得番唔夠20」。
搞自由搏擊打擂台
「喺何志平時期已經叫政府推廣功夫，家都冇做到」。世界拳擊理事會代表徐家傑說，今次藉傳統節目推廣傳統武術，召集各門派名師，結果一呼百應：「佢哋好多喺國際都好出名。」
詠春大師梁挺說，七十年代起不時隨旅遊部門到海外宣傳，但近年已較少，而本地門派也由逾百減至不足20，「社會越嚟越唔重視，但香港曾經有好多大師o架，好似葉問、李小龍」。他笑說過往只派徒弟示範，「今次有好多位宗師搏老命，表演俾大家睇」，包括藝人甄子丹師叔、八卦掌傳人廖國存；太極的冼孟豪；洪拳的黃少舫等，而東江周家螳螂國術會總教頭吳士麒，更是不少警員的師傅，「我哋仲會舞麒麟，家唔係好多人識o架」。徐家傑說，廟會也有泰拳表演，有自由搏擊及打擂台等，並擬成為每年的武林大會。