國米前鋒伊度奧（圖）今季越踢越勇，冇咗摩連奴更加醒神，心情亦極之好。呢位喀麥隆前鋒日前就應電視台邀請出席節目，其中一環就係由一位受到多位意甲球星寵愛嘅黑人女模，走到伊度奧面前，作出多種挑逗動作，測試佢嘅忍耐力。可能呢啲環節喺意大利嘅節目出現過唔少，伊度奧睇得多，都唔當係咩一回事，仲扮鬼臉㖭，心情輕鬆。