【本報訊】農曆年三十晚團年飯想買活雞做餸，可能要花300元。活雞零售商指出，活雞售價自月初起節節上升，一隻重三斤的活雞，由原來約100元，被搶高五成達150元，估計到年三十晚更可能要賣300元一隻。業界要求增加內地活雞供應紓緩雞價，當局則以防控禽流感作「擋箭牌」，有雞販慨嘆：「政府唔做嘢，市民焗住捱貴雞，我哋都冇辦法。」
每日1.4萬隻應市
港九雞鴨行職業工會活家禽關注組組長馬平龍指出，現時每日約有7,000隻內地活雞供港，加上本地農場所供應7,000多隻活雞，每日平均有逾1.4萬隻活雞供應市場，但自月初開始供不應求，他解釋：「啲市民商戶開始做節搞春茗，活雞唔夠賣，雞價咪貴得唔正常囉！」
關注組昨日派出六名代表與食物及衞生局開會，爭取當局在新春前後十日，將內地供港活雞數量，由每日7,000隻大幅提高至3萬隻，希望藉輸入30萬隻活雞壓抑雞價，雙方討論一個多小時並無結果。馬平龍會後引述官員稱，本地農場有20萬隻適齡活雞可供應市場，又指近日接連發現死雀身上帶有禽流感病毒，令禽流感威脅大增，因此對雞販建議有保留。
馬平龍對當局態度感到無奈，他說：「本地農場就算20萬隻雞，都唔係新春推晒出嚟。政府搞活雞日日清，同埋咁多檢疫措施，家又話驚禽流感。」他指業界已經盡力爭取，暫時無計劃採取進一步行動，「我哋都唔想市民捱貴雞，但政府唔做嘢，我哋都冇辦法」。
食衞局發言人表示，評估禽流感風險及市場供應等因素後，再決定是否增加進口活雞，又提醒業界保持警惕，嚴格執行各項禽流感防控措施。