電影《社交網絡》早前成為美國金球獎大贏家，奪最佳電影等4個大獎，能夠取得成功，可謂捉住咗現代人用Facebook進入互聯網社交世界嘅心理。
日前，就睇到英國傳媒報道土耳其國腳端基，將自己球員生涯以來嘅一啲金球，放上Facebook，希望有教練或者班主睇到，然後簽佢以達成離開史篤城，轉到其他球會嘅目的，都算係一個新嘗試。端基成唔成事就未知，但佢起碼知道Facebook嘅力量，足以令佢嘅足球事業出現生機，連佢所屬嘅球會史篤城都冇符，因為以往從未試過呢個情況。其實，當開戶後走入呢個社交網絡世界，又的確可以將人與人之間拉近，或者將久違咗社交關係重新建立，正正就係互聯網打破界限力量。推介方面，富咸今季經常和波，主場要讓史篤城，要[+1]「客勝」。
戰鬥員A
心水：史篤城勝[+1]
近5場戰績：LLWWW
心得：富咸主場也不宜看高。