【本報訊】社民連黃毓民前日被揭涉擅自修改去年五區補選捐款申報書內容，昨日辯稱整件事是「個助理嘅錯」，由於其助理將一頁資料「夾錯咗」，他將去信選舉事務處要求更改有關資料，「如果佢唔肯換，就去法庭呈請」。他又稱，「無啦啦，真係好神奇，夾咗張咁嘅紙入去，唔知係咪有人做手腳，我真係唔知」。
黃毓民昨日反指選舉事務處在今次事件亦有責任，批評該處未有指出其提交的資料有問題，「佢（選舉事務處）係應該仔細啲睇，我都冇簽名，律師又冇簽名，點會係真？我就唔會犯法嘅」。對於申報書上選舉捐款由18萬元突變成78萬元，黃稱：「18萬嗰個先至係啱嘅，78萬嗰個可能係手民之誤」。
長毛感到黃陳會退黨
社民連陳偉業昨日則發表聲明，指社民連「永久會址基金」墊支供他和黨友參加五區公投一事，從未要求他還錢。社民連主席陶君行昨日表示，有關款項會由社民連三名議員和黨負責籌措，以向捐款的市民負責。
以創黨主席黃毓民和現主席陶君行為首的兩大陣營內訌加劇，明日黃毓民、陳偉業等人召開集思會商討去向。社民連「長毛」梁國雄昨日稱，已「感覺到」陳偉業和黃毓民將會退出社民連。