粗獷的日本型男葉山豪，吸引不少女性青睞，罕有談及私人感情事的他竟拿出已婚身份作擋箭牌，家中溫柔的日籍太太和一對乖巧子女，令鏡頭後的葉山豪樂得做住家男人。
讚雷凱欣溫柔
葉山豪豁出去接拍3D情慾電影《3D肉蒲團之極樂寶鑑》，當中他以一敵百性感女郎的壯觀場面，他依然歷歷在目：「真係A到ECup都喺晒度，我睇到麻木咗，暫時出去飲嘢，見到靚女，我個心都好靜。」
雖然心如止水，但葉山豪也像普通男性愛靚女，他抵死說：「我睇女仔鍾意睇佢哋個樣先，最好眼大大，反而身材就其次，女仔個胸唔使太大，一般大好似B、CCup就夠，啱手形就得，太大唔啱size。」葉山豪近年在港工作，接觸不少港女，他大讚港女質素佳，他說：「香港女仔好有性格，做嘢好叻。」
葉山豪因拍《3D肉蒲團》與女主角雷凱欣有不少親密接觸，他稱讚雷凱欣體貼溫柔，並說：「小欣份人性格好爽，佢係片場開心果，成日都笑聲唔停，大家合作得好開心。」