特區政府帶頭遺忘歷史，難怪香港人集體失憶。今年係中國民主革命先驅楊衢雲逝世110周年，香港楊氏宗親會發起悼祭活動，早前到跑馬地墳場楊衢雲墓追思，楊衢雲墓係無名碑，只寫「楊公之墓」同一個編號6348，當年係因為唔想楊氏後人被追殺，現在時過境遷，楊氏後人希望加上標記，等後人知道呢位革命烈士葬於此處。
要求提出多年，特區政府冇回音，近日終於有反應，向發起追思悼念活動嘅團體表示會在墳場內加設標記，然而呢個承諾，卻似係空頭支票，因為有關部門冇說明幾時先會落實開工，因此無名碑何時才「正名」係未知之數，楊氏宗親聯合會榮譽顧問楊丕漢希望政府部門唔好拖拖拉拉。