【本報訊】現時氣氛肅殺的菜園村，連日來遭政府與港鐵聯手粗暴收地，最少8名村民及巡守員受傷。傷得最重的朱凱迪稱，日前村民報警求助後，反遭警方當成疑犯盤問。
首名受害人是反高鐵大聯盟成員葉寶琳。本月6日她欲上前阻止工程時受傷，「未行到埋去，有個工人無啦啦插水，壓親我隻腳」。她的左腿又腫又瘀，須送院打石膏，另有兩名村民也遭工人推跌。
她又憶述，當時有工人無視靜坐的巡守隊成員，在成員頭上繼續燒焊，火花灼傷其頭部。其後的收地行動當中，一名村民被工人推跌時擦傷手，另一村民被警察扯開時跌傷腰部。昨日一名巡守員抱着鐵枝阻止圍板工程時被工人扯走，手部流血受傷。
警對村民滋擾式問話
昨日同樣遇襲的朱凱迪向本報表示，月初村民受襲後到八鄉警署報警，元朗重案組入村進行「滋擾式」問話，「每日都嚟，見人就問，有時周圍刮我，搞到村民活喺佢哋陰影之下。有警察仲問兩個村民，認唔認到邊個村民用遮打人，將村民當係疑犯。差人唔值得市民信任，喺香港係一件好恐怖嘅事」。