文化中國傳播（1060）老闆董平出品嘅年度話題大片《讓子彈飛》到底有幾勁？
根據內地傳媒報道嘅數字，粒子彈飛咗幾個禮拜之後，票房已經威脅到有6.6億人仔票房紀錄嘅《唐山大地震》，而由於家都只係非正式統計，所以好有希望過埋《唐》片㖭！
咁好嘢就唔怕俾人睇，文化中國傳播噚日喺金鐘一間戲院包場，請香港嘅傳媒欣賞呢套大製作，可惜係星期四，仲要係下畫兩點呢個繁忙時間，所以唔係好多行家得閒出席。
舊年阿爺話鼎力支持文化產業，文化中國本身有《京華時報》，又搞手機電視，涉獵咁多瓣，股價無理由長期得嗰幾毫子，噚日包完場仲跌多3%，跌到去六毫二，唔知董生有無諗計「讓股價飛」呢？