亞洲電影大獎引進更多地區的影片參加，除了促進文化交流、加強獎項的公信力外，也增加一班入圍演員的爭勝心，眾人對入圍均表示興奮。
楊紫瓊：要多謝監製吳宇森同導演蘇照彬，寫個咁好劇本畀我，同埋男主角鄭雨盛令我咁入戲，仲好開心香港可以搞呢類型嘅影展，促進文化交流。會用平常心去面對，到時贏輸都好都會叫老闆林建岳請飲酒。
周潤發：能夠獲提名最佳男主角真係好開心，多謝姜文導演，亦都感激編劇為我塑造一個好角色。
姜文：相當高興，一定會爭取時間出席當晚頒獎禮。
劉嘉玲：可以入圍最佳女配角，非常之開心，除咗要感謝大會，仲要感謝導演姜文畀機會我，同埋寫出咁好嘅角色，仲要多謝我戲裏面嘅老公葛優。今次入圍就算係我畀劇組嘅一個新年禮物。
馮小剛：好開心可以有4個提名，多謝香港同胞對這部電影的喜愛及認同，令我體會當中血濃於水的情感，同時多謝大家對徐帆的支持。