隔晚花旗股市造好，道指突破11800收市，升幅雖然唔大，但技術走勢好靚，成交亦對辦，好快會上試12000關，呢個水平好大阻力，相信會有反覆，不過花旗股市今年睇好，破關係遲早嘅事。
花旗股市向好，內地股市又回勇，港股噚日升265點收市，報收24419，成交突破800億，短線上試24800至25000嘅機會好大，滙控（005）繼續維持強勢，中移動（941）又跟住炒上，大戶造好嘅手影明顯。
中鐵C輪15738：中鐵（390）報收5.93元，升1%。股價過去兩個禮拜喺保歷加通道中軸同頂線之間整固，呢幾日跌穿10日線試50日線再回升，係時候衝6元關，破位短線睇6.66元，可以諗吓隻C輪15738。隻輪現價10仙，2011年4月28日到期，行使價5元，溢價1.2%，引伸波幅31%，槓桿率5.9倍（有效5.2倍），正股升上6.66元，15738睇16.8仙，升幅近7成，正股跌穿5.70元就沽咗隻輪。
俊樺