白花油王子顏福偉噚日去咗商台宣傳佢喺農曆年推出嘅EP，收益會撥捐保護遺棄動物協會，佢話：「上年隻碟籌到10萬，不過做一隻都要60萬，都係我自資，可能有人會問點解我唔直接捐錢，我覺得只係捐錢唔夠，傳達唔到個訊息，所以先堅持做碟。」顏福偉又話暫時唔會再為白花油拍廣告，而公司今年就搵咗王喜做全球代言人喎。