「金灸熱、水冒泡、火旺盛、木借勢、土失色」，呢個就係里昂喺兔年嘅行業預測結論嘞！咁即係點？里昂中港策略研究部主管張耀昌話，2011年辛卯係金兔年，五行屬性係天干（辛金）剋地支（卯木），所以係旺金旺水，大利金屬、運輸、旅遊、博彩同財金行業。
因為卯兔地支五行屬木，有三木剋土嘅格局，就唔利房地產同建材行業。佢估計呢兩個板塊，要去到10月或者11月先至會有起色！
綜合里昂各行業分析師嘅睇法，大致係屬水嘅博彩業、交通運輸業會風生水起，屬於金嘅煤炭業會成為當紅炸子雞，而屬火嘅科技、公用事業、電訊同互聯網行業，已經一馬當先迎接風調雨順嘅一年！