古巨基前晚於銅鑼灣出席一間餐廳的開幕禮，談到有傳楊千嬅不滿輸給容祖兒，得不到無綫最受歡迎女歌星獎而罷影無綫官方刊物，基仔說：「我諗唔係唔開心，我嗰晚都有問工作人員，但只係話佢到唔到，就冇追問了解喇。」基仔續說頒獎禮既已完結，無謂再多作揣測：「慶功時見千嬅都好開心，都過咗啦，大家開心等過年咪幾好。」
羨慕容祖兒
基仔謂農曆年要到內地做騷，也有幾日假期，提到容祖兒有兩個月假期，陳奕迅有70日假期，基仔說：「好羨慕，好耐未試過放咁長假，最多都係四、五日。」問基仔如結婚會否放長假？他說：「我有排都等唔到呢個假期，演藝工作外仲有設計工作，好難放長假。」
採訪、攝影：溫敏芝