【本報訊】繼300名機動部隊警員（PTU）前日協助港鐵工人入菜園村收地，引發大規模衝突後，昨日又有工人突然入村築起圍板，阻塞通道，村民車輛無法進出。60名村民與過百名警察、保安員及工人對峙，雙方多次衝突，成功迫使工人停工。
菜園村巡守隊成員阿餅表示，早前有村民到地政總署駐村辦公室抗議，其後不時有工人到辦公室外築起圍板，阻塞通道，「可能地政署唔想我哋再入去示威。但係圍晒啲板阻住條路，村民啲車入唔到，泊晒喺出面。每次我哋叫停，佢哋轉頭又嚟做過，講咗十幾次都冇用」。昨早再有工人到場築圍板，巡守隊再次阻止，豈料數十名警察趕到現場助陣，包括PTU。
石崗菜園村關注組副主席盧明光說，昨早有兩輛雙層巴士接載保安人員入村，估計近100人，其後連同約60名警員，人數是村民和巡守隊數倍，「簡直係浪費警力，想暴力鎮壓。我哋見慣晒，唔會驚佢哋。警察嚟過咁多次，同我哋熟晒。村民成日叫佢哋一齊坐低飲啖茶」。