國際社會對劉曉波嘅關注，未隨諾貝爾和平獎頒獎禮結束而停止。只要中國政府繼續監禁劉曉波，所有愛民主愛自由嘅人都會不停呼喚，直到劉曉波可以回家食飯為止。無國界記者發起全人類聲援劉曉波行動，呼籲四海之內嘅兄弟，着起印住「釋放劉曉波」嘅T恤，喺世界各地留影，顯示釋放劉曉波嘅聲音傳遍地球。
行動已得到好多人響應，埃及嘅獅身人面像前、意大利嘅威尼斯、法國嘅雄偉雪山之上，以至非洲國家科特迪瓦，都有人着上「釋放劉曉波」T恤留影，關注中國人權嘅訴求無處不在。大家想訂購呢件T恤可以瀏覽呢個網址﹕ http://en.rsf.org/t-shirt-liu-xiaobo-10-12-2010 ,39005.html，拍照後可電郵到[email protected]