唐英年批評80後言論遭到極大反彈，做舞台劇經驗豐富嘅焦媛首次執導音樂劇《我的快樂時代》，內容係比較時下80後，同40年前嘅嬉皮士思想行為異同。焦媛同八方講，日前聽到唐英年左一句「車毀人亡」、右一句「關門做皇帝」，認為批評太武斷，所以即時食住上，新劇會加入呢啲高官金句。焦媛又話已發信請唐英年睇呢套劇，不過對方未回覆。
八方恐怕唐英年暫未有心情睇音樂劇，因為80後正諗緊如何回應「車毀人亡」言論，而西九老外一哥謝卓飛快閃單嘢，據講仲有下文，唔少人質疑患病說法，與謝卓飛有私交嘅西九建築師DavidGianotten噚日踢爆，未聽過對方有情緒問題，唐英年要保持誠信，可能要再解畫。