受內地股市跌勢拖累，港股前日下跌126點收市，噚日恒指掉頭回升，最多升超過210點，但係收市打回原形，倒跌約3點，反映市況頗為波動，股民喺現階段對港股後市有所保留。
技術上港股以十字碑結束唔算太差，暫時都係上落市，港股尾段急回，多少與股民觀望花旗股市有關，蘋果喬布斯突然放假，令人擔心佢嘅健康，花旗股市噚晚料會受有關消息影響。另外胡錦濤到花旗訪問，亦要留意相關消息。
工行C輪27535：工商銀行（1398）昨收6元，升破50日線。股價呢幾日喺6元徘徊，10日線已重返20日線將現黃金交叉，睇走勢應反覆上試6.50元，破位睇6.70元，可以諗吓隻C輪27535。
隻輪現價41.5仙，7月4日到期，行使價5.988元，溢價6.7%，引伸波幅31%，槓桿率14.5倍，正股升上6.70元，27535睇87仙，升幅逾倍，就算見6.50元，隻輪都有七成半升幅，如果正股跌穿5.83元就沽咗隻輪。
俊樺