本港大型論壇好耐無見佢蹤影嘅前財政司司長梁錦松（圖），噚日喺亞洲金融論壇再次展現佢嘅專長──論盡財經議題，不過，呢次佢係以黑石集團大中華區主席身份出席，所以前半場係大力宣傳黑石嘅私募基金業務，後半場先為香港經濟指點迷津。阿松話，香港應該大力推動人民幣基金市場，香港呢方面有好好嘅位置，已經有好多大型外資基金集結香港，好多境外機構如人壽保險公司，都希望尋找長期資產投資機會……但係佢亦提醒香港，唔好淨係顧住做人民幣離岸中心，因為一旦人民幣可自由兌換，香港的位置就會好危險……真係好有遠見!