經歷金融海嘯洗禮，好多行業舊年都係苟且殘存，但係原來有一行非常好景，而且包你估唔到嗰行係咩，就係海盜！因為海盜屬於唔見得光亦都唔合法嘅行業，所以，佢哋份「業績」，係由國際商會（ICC）旗下國際海事局（IMB）同埋非政府機構OneEarthFuture代為公佈。
根據業績顯示，全球海盜舊年一共洗劫咗53艘船，綁架咗1181個船員，呢個數係一個recordhigh，而因為營運數據理想，帶動到營業額增長和味，舊年佢哋收到嘅贖金就有成2.38億美金（約18.56億港紙）！連埋改航線、保險同保安等費用，估計令競爭對手（即係航運業界）每年唔見70億至120億美金，業績果然係勁過好多行業喎！