台灣男星何潤東及高以翔昨日齊現身上環香港醫學博物館，出席Cerruti1881時裝騷，何潤東透露完成昨日活動後，即要趕往機場飛巴黎拍廣告，他說：「喺巴黎留3日，之後要趕返北京拍《大鬧天宮》，呢套戲我同發哥、甄子丹有好多對手戲，發哥超好人，教我好多嘢，喺片場我哋又成日研究影相，如果發哥肯做model畀我影我就威囉。」
變宇宙最捱得打
何潤東續說：「發哥平時鍾意影風景相，佢對天氣特別敏感，好似天文台咁。」在《大》片中何潤東更與甄子丹有對打戲，他開玩笑說：「同『宇宙最強』對打，我要練到係『宇宙最捱得打』。」
高以翔則被問來港工作有否找周汶錡，他一臉無奈說：「我們只是工作上拍檔，私底下沒有聯絡，以前來香港可以很自由，現在就得小心多了。」
採訪：TamSinYi