【新加坡直擊】曾志偉孭飛監製的賀歲片《我愛HK開心萬歲》一眾演員到新加坡宣傳，但昨日凌晨志偉飛回台灣探望患病的老父，轉由吳君如主力撐場，為搞氣氛，君如狂辣火頭，笑指商天娥有喜，更稱呼張可頤是「板面大明星」。
邵氏賀歲片《我愛HK開心萬歲》眾演員前日到新加坡進行一連兩日宣傳，身為監製和導演的曾志偉本應出席，但近日其身在台灣的老父病重，志偉透露情況一度不穩，最近稍為穩定甚至有望出院。不過昨日在記者會上志偉突然缺席，原來他凌晨時分趕飛台灣，雖然未有清楚交代，但相信是探望其父。
君如：佢強顏歡笑
由於志偉缺席，故昨日記者會上由吳君如單拖撐場，為搞氣氛更即場狂辣火頭，首先她擺好友商天娥上枱，當君如自讚是賢妻良母時，娥姐在台下作嘔吐狀，君如即笑她：「佢懷孕呀，所以嘔吐。」新加坡的司儀聞言說：「真係家有喜事。」君如即稱：「喺度唔好講呢個名，要講我愛香港。」之後張可頤表示在戲中扮演一名大明星，君如聞言又笑指：「係呀，大明星，佢做番自己，板面大明星。」君如又踢爆志偉特別關照和留意可頤的演出。
提到志偉突然趕返台灣，是否老父情況有變？君如說：「我唔知，只係知佢有事走咗，不過我都知佢爸爸有事，所以佢心情都沉重啲，加上又攰，係有啲強顏歡笑，明顯心情係唔開心。」她表示自己還有一套賀歲片《神奇俠侶》主要在內地宣傳。
咪神高海寧未有騷身材，只跟楊秀惠露長腿，她坦言兩人是一早夾好。
採訪：楊潔雯
攝影：陳慧安