起錨政改方案建議將推選特首嘅選舉委員會內宗教界別選舉人，由40席增至60席，雖然小圈子選舉名額驟增，不過唔係人人希罕，「香港六宗教領袖座談會」聯合秘書處天主教代表周景勳神父質疑政府建議增加宗教界席位只係安撫行為，意在欺騙全港市民，政府在實踐民主。
佢話教區唔鼓勵神父參與選委會選舉，因此增加名額都唔會感到特別喜悅，不過另一神父徐錦堯認為增加席位係好事，佢會繼續申請參選，因為「參與了才能作出改變」。區議員鄧志豪表示打算申請入選委會做投票人，佢話若唔入選委會，喺選特首呢個小圈子選舉中，或者連基本發言權都冇埋。教區一直「被動配合」選委會界別選舉，只核實申請者天主教徒身份，如果參選者超過名額，由政府抽籤選出。