人行再調高存款準備金率令內地股市受壓，各主要指數噚日全線下挫超過3%，港股受拖累亦跌126點收市，表面上跌幅相對溫和，但正股下跌股數多達851隻，反映市場情緒頗為負面。
調高準備金率其實一向唔係市場嘅焦點，但係家炒緊農曆新年假期後會加息，股民傾向減持避險其實好正常，亦係噚日跌勢全面嘅原因。技術上恒指喺24000關會有支持，短炒可敲強勢股。
聯通C輪24229：中國聯通（762）噚日收報11.66元，逆市升0.87%。股價之前喺50日線橫行整固咗一段時間，呢幾日異動炒上，重越10日及20日線，股價徘徊喺11.70元阻力位前，突破之後會試12.20元，破位睇12.80元，可以諗吓隻C輪24229。
隻輪現價10.7仙，8月26日到期，行使價11.88元，溢價11.1%，引伸波幅33.9%，槓桿率10.9倍，正股升上12.80元，24229有機見17.5仙，正股跌穿11.20元就沽咗隻輪。
俊樺