窩輪搏擊:玖紙明顯轉強 炒輪揀23547 - 俊樺

窩輪搏擊:玖紙明顯轉強 炒輪揀23547 - 俊樺

港股連升兩個禮拜,重越24000關,交投增加。
上周五收市後人行宣佈上調存款準備金率,繼續收緊銀根,做法同中央壓抑通脹嘅政策相符,時間上嘅選擇好正路,因為胡錦濤明日訪美,收緊銀根令人聯想加息,亦直接扯上人民幣滙價,大家分析收緊銀根嘅影響時,唔使過份放大效應,因為對中央嚟講,維持經濟增長同壓抑通脹同樣重要。
玖紙C輪23547:玖龍紙業(2689)收12.30元,升4%。股價喺上年10月由高位回落,跌落11元水平先至企穩,累積跌幅唔細,近排走勢明顯轉強,除咗跟個市升之外,炒通脹炒經濟復蘇都對玖紙有利,啱啱升破50日線,好快會上試12.90元,破位睇14元,可以諗吓隻C輪23547。
隻輪現價12.1仙,2011年6月29日到期,行使價12.60元,溢價12.3%,引伸波幅40.3%,槓桿率10.2倍(有效5.3倍),正股見14元,23547睇22.6仙,正股跌穿11.70元就沽咗隻輪。
俊樺