數吓手指，華華發覺呢幾年有唔少金融高幹退休，包括金管局前總裁任志剛，同埋前副總裁蔡耀君，仲有恒生銀行（011）前副董事長兼行政總裁柯清輝、星展香港前行政總裁葉約德，同埋滙豐私人銀行亞洲區行政總裁王以智等。不過，佢哋部份人都唔係全身而退，唔少都仲孭住職銜在身，有啲就會唔會復出，尚係未知之數。
唔少賓架退休都話要學「hea」，但華華見任總咁多職位在身，一時係人行中國金融學會執行副會長、一時又係建行（939）獨立非執董、再一時又以中文大學工商管理學院名譽教授身分出嚟，不知幾咁忙；又好似柯大俠咁，話退休無耐，就做咗中策（235）話事人，仲同財經事務及庫務局前局長馬時亨拍住檔上場㖭。
所以話呢，賓架退休後嘅生活，好多時仲多姿多采過退休前，David（林炎南）退休後去向如何雖然未有定案，但毫無疑問佢會成為唔少上市企業希望羅致嘅對象！