擁有全港四成半櫃員機數目的滙豐及恒生銀行櫃員機癱瘓5分鐘，令不少市民無法提款或轉賬，更阻礙準備投注搏殺的客戶「發財」，該名客戶斥滙豐櫃員機質素是全港最差，應該全面更新有關系統，提升服務質素。
昨日為賽馬日，居於香港仔的市民黃先生表示，中午12時許往香港仔中心的滙豐理財中心的櫃員機提款，以便投注賭馬。怎料該中心五部提款櫃員機全部「死機」，「前面好多人排緊隊等攞錢都唔得，我仲見到有人張卡俾部機食埋，係咁打電話畀熱線問點解」。
有見及此，黃先生即轉往附近的馬會投注站，欲利用馬會智財卡從滙豐戶口轉賬到馬會投注戶口，以便落注，「我將智財卡同滙豐提款卡插入卡槽，諗住由滙豐個戶口轉賬啲錢落馬會個戶口度，點知都唔得」，令他非常不滿。
客戶指經常食卡
今次已非黃先生首次受滙豐櫃員機故障影響，兩年多前他曾遭櫃員機「食卡」，他怒氣冲冲地說：「滙豐櫃員機經常發生食卡，又扣錯錢，質素可以話係全港最差，操作又唔夠靈活。我用過銀通，佢哋啲櫃員機操作靈活性好過滙豐。」他認為滙豐應認真檢討櫃員機系統，全面更新系統及櫃員機，提高服務質素，「滙豐應該全部換過晒啲櫃員機，改善操作，咁至可以防止死機呢類故障再發生」。
本報記者