弊啦！因為違例駕駛記咗12分，在3分的停牌死線，揸車時要打醒十二分精神不突止，仲收到運輸署封信，要求3個月內參加強制駕駛課程，這個一日制純理論課程，雖然換來3分的回報，成為避免停牌的救生圈，不過朝九晚六，扣除一小時食飯時間，足足八小時，究竟講啲乜？做啲乜？真係一頭霧水，就趁呢個機會，帶大家認識課程的內容及要訣。
記者：趙慧敏
攝影：陳盛臣
Model：Hazel、Kit@GMEModels
記滿10分要上課
近排強制駕駛課程呢幾個字喺報紙出現率好高，霍震霆第三子霍啟人酒後失控撞車、崔建邦涉及醉駕，都先後被法庭要求參與強制駕駛課程，唔好以為要法庭判決才要上，據運輸署規定，兩年內累積被記滿10分須上課一次。以為上課以職業司機為主？錯！以我上的一班為例，比例是一半，任何駕駛者都有機會修習。
內容分兩部份
課程內容由運輸署擬定，分為上下午兩節，上半部課程包括違例記分制度、跟車及停車距離、轉換行車線及路口、超車安全等。下半部包括酒精及情緒受影響下駕駛、意外成因分析及駕駛者精神狀況、態度及警覺，當中不少內容以漫畫表達，趣味十足。最後進行有20條選擇題的評核考試，及格後3分便正式到手！據個人經驗，只要學員不要全程處於夢遊狀態，及格絕不是難事。
互相討論知錯處
對不少司機來說，要硬坐八小時不是易事，所以課程增加趣味元素，謝錦華表示運輸署要求學員互相討論，誘導學員反思駕駛態度，「某些冥頑不靈的司機都可透過群眾壓力令他知衰。」為增加互動，亦引入多媒體教材，學員以遙控掣揀答案，避免他們擔心答錯而尷尬。
勿犯大錯
違例駕駛當然要記分，不過揸車犯上呢幾個大忌，遇上意外後果好嚴重，會被判要上駕駛改進課程。
犯錯人辦
上課後記
雖然花了八小時上課，但除了3分回報，絕對不是一無所得，因為課程中所觸及的駕駛問題都很生活化，甚至講及部份交通標誌的正確意思。
修讀課程小貼士
忌遲到早退
運輸署會在課堂時進行突擊檢查，上下課時間十分嚴謹，上課遲到，課室都入唔到，休想遲到早退。
減分屬兩年一次
根據法例兩年內修讀駕駛課程可獲減免3分違例駕駛記分，不過僅屬兩年一次，同期無論強制與否，再修讀課程均無記分減免。
等信通知才報讀
心水清的司機當知道分數臨近危險邊緣又或未收到運輸署通知，會先行自願修讀課程；不過當運輸署正式通知便屬強制要求，即使之前已報讀也不算數，司機隨時要多上一次課程，所以提醒司機不要心急，等到通知才報讀。
現時運輸署認可有四間提供課程的機構，收費各不同，且各有不同優惠，大家揀個最啱心水至報讀。
香港駕駛學院
收費：$820（當中$500可用作修讀駕駛深造課程，不作退還。）
時間：隔日上課
地點：旺角
查詢：23848301
優點：大規模，師資有保證。
缺點：學費較高
工聯會職業再訓練中心
收費：$650+$20證書費
時間：星期二或四
地點：灣仔
查詢：28933112
優點：最啱港島人
缺點：唔係人人都是工聯會會員，因會員可獲半價優惠。
利南駕駛學校
收費：$458（修讀後可獲$150超市及$10快餐店禮券）
時間：每日
地點：旺角
查詢：27802272
優點：平平平
缺點：禮券唔係個個啱用
李健駕駛學校
收費：$455（星期一至五修讀獲$150超市禮券；星期六修讀可獲$50超市禮券）
時間：每日
地點：荃灣
查詢：24136222
優點：最啱新界人
缺點：周末上堂優惠少