容祖兒、古巨基、林峯、王菀之和官恩娜等昨日齊集紅館為《十大勁歌金曲頒獎典禮》拜神，被傳囊括最受歡迎男歌星及亞太區最受歡迎香港男歌星獎的TVB親生仔林峯姍姍來遲，令眾星呆等半小時。
唔驚輿論
被指勇奪兩大獎，林峯說：「今年攞唔攞到都一樣有聲音，獎項當然希望攞。」會否擔心奪兩獎迴響更大？他說：「唔通唔攞咩，點都大。」欠缺四大唱片歌手下奪獎，林峯也覺得不夠公平，他期望事件快點平息。是TVB偏心他不公平？他說：「公司錫我係一定，我都要努力唔會丟公司架。」
基仔被問到有指林峯橫掃兩個男歌手獎，他覺得誰攞都一樣開心。至於有望創最受歡迎女歌星紀錄的祖兒，穿螢光色外套搶眼現身，相反呼聲也高的楊千嬅卻臨時缺席。祖兒謂不知有指東亞以日本組合EXILE來港演出來為千嬅換獎一事。
採訪、攝影：馬建華