為咗慳油，家庭車有迷你版，Jazz空前成功已經係一例，同樣七人車都可以出部迷你版，最啱經常滿載七人的小家庭。啱啱抵港的HondaFreed正正係針對呢個市場，雖然只配備1.5公升i-VTECLEV環保引擎，不過代理講明其運動性能媲美1.8公升偈，絕對唔會出現氣力不繼的情況。
早前喺代理安排下，首先睇咗架車，外形的骰係一賣點，容易操控，內櫳空間感不俗，中排留有中央通道，第一二排走嚟走去都唔係問題。另一賣點就是附設的EconMode功能，使用後令全車以節能模式狀況運作，據廠方數據，耗油量只是17km/L，至於係咪咁好玩，就要留意本報的報道啦！
