橙天嘉禾（1132）受惠祖國電影火熱期，而集團投資嘅製作公司，又係生金蛋嘅雞，橙天超抵搞。橙天最新NAV每股0.50元，現價PB係1.2倍，海內、外同業PB達3、4倍，橙天已經平咗一大截。又橙天入股獲立製作公司LEGENDARY3.33%。LEGENDARY喺04年成立以嚟，合資拍攝19部片，全球票房高達382億港銀，橙天日後嚟自LEGENDARY分成，肯定肥仔水。再講，LEGENDARY製作嘅電影，票房大收，超級豐厚嘅隱藏價值，若可以透過上市嚟反映，橙天資產值肯定暴漲。
Beforethat，橙天食住祖國電影市場開始踏入高增長期，集團有信心喺年底前，將祖國電影銀幕加到上600塊，支持短期靚靚業績。呢轉博橙天翻半番到0.90元，PB未有耐追到上同業。
丹楓超落後有得諗
丹楓（271）52周高位1.36元，現價仲係潛緊水25%。而呢期所見，資金埋身炒二三線磚頭股，好多隻亦已經一支箭，再上破1年高位，丹楓超落後。又丹楓連埋紅山半島及港晶中心等等優質物業重秤，保守計每股NAV上到2.85元，現價折讓，挨近64%，亦好吸引。呢轉博丹楓上到1年高位1.36元，潛在回報率超過30%，丹楓未有耐上到NAV水位。
錢雋