本地甲組聯賽不同年代都有矮細的球員冒起，像7、80年代的劉榮業及陳發枝，縱使不高大，但踢法極靈巧，加上技術出色，繼而成為本地星級球員；近年港甲亦有不少矮仔成功上位，包括南華僅存的青訓產品，有屯門Edison之稱的郭建邦。
近年港甲有不少矮仔能成一線球員，像傑志便有盧均宜、林嘉緯、蘇來強及朱兆基等，身高全部不超過1米75，而效力南華的左中場郭建邦身高只得1米68，惟陣上從來無懼高過他一個頭的外援。Edison表示，足球是有身體接觸的運動，身形較矮多少也會輸蝕，但矮仔都有好處：「由細到大也不高，這點自己都沒辦法，踢波惟有靠速度及身位補救，當然還要懂用腦去踢。」
去年曾到熱刺學法的郭建邦表示，由於身高的限制，便只靠其他補救：「我出名爛打，唔怕撞，就算早前在友賽對完全唔同級數的巴拉圭都唔縮亦唔驚。當然，球員高也有好處，但未必可成為好全面的球員，因為高人因重心高，轉身自然慢，反而矮細的起動快，所以細粒未必好蝕底。」
本地記者