娜姐Sorry都撐　型女Cape好飾爸

父女關係在這個世代是如何演繹的呢？經常看到的親子故事，都是以父子或母女為骨幹，父女之間之血緣關係好像給隱沒了，但「K29」這家位於哥本哈根的首飾與時裝兩層小店，父親駐守下層雕琢銀飾，女兒服飾就把守上層，真正上下一心地搞好一間時裝首飾店。

記者、攝影︰吳美美
鳴謝︰卡塔爾航空、RadissonBluScandinaviaHotel、RadissonBluRoyalHotel

上層阿女：StreetSculptures

你們先要睇清楚這段關係，是父女一齊開時裝首飾店，而不是個女繼承父業，或父親打本給個女開店，而且是時裝店，例子應該少之又少。「K29」是店舖地址的縮寫，黑色外牆、橙色字身，喺外面「裝來裝去」，都是去上層睇衫先，查實是被一件彩色運動形斗篷所吸引。聲明是100%weatherproof，又防水防風透氣，又避免如一般斗篷易跌膊，加了束袖拉鏈，增強活動性，最緊要拎上手輕身，望落唔似運動衫咁標明身份，這一系列sharp色sportycape叫StreetSculptures，都幾襯Maxjenny的背景。

■MAXJENNY的顏色對比極端，一係全黑一係全彩。

■Elin同樣是實習生，所穿的是Maxjenny之前季度的品牌LesCouleursNationales。

■女兒Maxjenny在北歐已有名氣，經常上雜誌。

■Bea是店員，所戴的「亂咁嚟」頸繩價值$911。

■來這間店前就咁蹺去了DesignCentre見到她的作品，仲心諗咁靚可以喺邊度買。

型爆Mini版

與品牌同名的MaxjennyForslund本身是一位家具設計師（可惜今次到訪時她要出trip，緣慳一面），好多國際大show都會見到佢嘅作品，但2007年就變身成fashiondesigner，完全九唔搭八地根本轉變，但又搭出如「StreetSculptures」咁靚的cape！查實Maxjenny能夠成功確立自己同名品牌，都要多得Madonna喺06年在《Sorry》MV裏面着咗佢設計的外套與bikini，亦成為北歐最有睇頭的fashiondesigner之一，在德國、英國、意大利及日本都有蹤影，連DanishDesignCentre在「10+DesignForecast」裏都有位專登介紹。女裝之外，店內都有兒童版「MAXJENNYForMinis」，就如縮細版的StreetSculptures，小朋友着住肯定成為型爆兒童，而目錄內的小model就是Maxjenny的女兒。

■連Madonna都在《Sorry》MV中穿着她SS06的設計。

■Mini版紅色sportycape約$694

■咁多橙色圈襯埋，好型。每個約$350

■黑色minione-piece裙襯上彩色袋口。約$525

■呢件我好鍾意，要$6,304。

下層老竇：誇張銀器

因價錢問題而望cape興嘆，轉陣至樓下的銀器首飾店。
你不會預料自己會喺裏面撞到一個白髮、圓胖身形臉上充滿血氣的和善伯伯，OweJohansson負責下層的銀器打造，他就是Maxjenny的爸爸，1965年已入行做銀器，亦曾經參展1968年時「YoungSwedishSilver」。或者你先看看放在周圍的銀器設計，俗語有云物似主人形，但拎起上手看清設計後相信凡事有例外。他的設計好有一種乾脆利落的感覺，簡單之餘但係有睇頭，如藍白膠帶圍住的銀手鐲，其實設計概念好簡單，就是將兩件簡單的砌埋，就變得有睇頭。呢度每一件銀器都由伯伯慢慢雕琢，在周末他亦會開班授徒教人鑄造銀器。