【本報訊】港島半山干德道豪宅THEICON「交爛樓」事件，立法會議員陳淑莊表示最少收到三名小業主投訴，她引述小業主指，獨家代理該樓盤的中原地產經紀一直淡化事件，「令小業主以為人人都願意收爛樓，冇人投訴」。有小業主已向地產代理監局投訴中原誤導。市場消息指，中原銷售THEICON所得佣金高達3%，較行規的2%高出五成。
有地產界人士指出，地產代理推售新盤一般獲發展商樓價2%佣金作報酬，個別易推新盤如港鐵上蓋物業，地產代理更可能只得1.5%佣金，但中原地產推售THEICON，佣金高達3%，「榮豐喺香港冇賣過樓，根本唔知點做，交晒畀中原搞，可能因為咁所以佣金特別高」。
中原地產表示不評論佣金問題，只表示對事件感到遺憾，承諾全力跟進，如證實涉及法律責任，會作出承擔。THEICON小業主朱小姐直指中原經紀誤導，並已向地產代理監局投訴，「中原從來都冇話過話交咗樓至會裝修，如果早知係咁，邊個肯買？」
立法會議員陳淑莊昨日再收到另外兩名THEICON小業主投訴，初步了解情況與朱小姐類同。陳說：「有小業主話收樓時中原經紀係咁話冇問題，人人都係收爛樓，冇人投訴，令佢哋誤以為冇得追究」。陳淑莊會與小業主研究如何向發展商榮豐與地產代理中原追究責任。榮豐昨日仍對事件未有回應。
投訴人單位獲清理
記者昨日陪同業主朱小姐再到THEICON視察單位。朱小姐單位內的雜物和垃圾雖已有人清理，但發展商承諾的廚房和家電仍未知何時兌現，她慨嘆：「我以後都唔會買細發展商嘅樓。」地產建設商會證實榮豐並非該會會員，換言之榮豐賣樓不受政府9招14式約束。消委會表示，收到一名市民投訴，收樓時發現單位貨不對辦。