無綫去年底台慶劇之一的《刑警》備受忽略，風頭被另一套台慶劇《巾幗梟雄之義海豪情》搶盡，結果《刑》劇男主角之一的黃日華公開狂轟無綫大細超，又踩TVB即是「totallyverybad」，引起連串風波。昨晚無綫副行政主席梁乃鵬在中環設宴請《刑》劇台前幕後食飯，出席的有黃日華、苗僑偉、宣萱和胡定欣等。
問到監製唐基明昨晚是否補鑊飯？他說：「唔係，凡係台慶劇都有，不過黃日華當日的確係可以帶動到套劇，同促成今晚餐飯。」
「公司canteen仲好」
問到黃日華是否可以順番氣？他笑說：「冇唔順，套套劇都有，只係要排隊。」現在TVB是否仍是「totallyverybad」？黃日華笑說：「過去咗，人要向前望，當日我都係以觀眾身份畀意見。」會否再拍無綫劇？黃日華笑言過了昨晚才算，接着他又反問記者是否凡台慶劇都有飯食，記者指之前《義》只是在電視城設宴，黃日華即說：「公司canteen仲好，可以泊車，呢度又要過海又要畀停車場。」是否又有不滿？他笑說：「唔係，轉吓環境都好。」
問到梁乃鵬此舉是否補鑊？他說：「唔係，套劇好，大家開心吓，之前我太忙約唔到，今晚係我自掏腰包o架！」
採訪、攝影：胡比