徐濠縈同黃偉文兩位潮人噚日出席洋酒活動，阿徐大講酒經，話酒量叻過老公陳奕迅：「佢飲一杯紅酒就冧，我就鍾意飲烈酒，因為快啲high，但同個女一齊嗰時唔會飲。」問阿徐會唔會早啲教囡囡飲酒保護自己？佢話：「我十歲就飲酒，食大閘蟹飲紹興酒，所以酒量唔錯，個女可能十二歲教佢飲紅酒，我酒量同酒品都OK，希望個女會繼承到。」