每次行尖沙嘴碼頭嗰帶，都係人頭湧湧，雖則是遊客區，但基本上大部份都係來自大陸客、自由行，佢哋嘅高消費力，的確令到部份香港人得益，尤其係一啲集團式連鎖舖頭最賺錢。不過，當去到一啲舊區，似乎呢個繁榮只不過係一個假象，本地人消費力邊有咁高。筆者住舊區，睇見呢幾個月，周圍有唔少做小本生意舖頭執笠，生意難做當然係其中原因，但聽啲老闆講，舖租加到飛起先至令佢哋摺埋元凶。之後開番嘅新店，都係一啲集團連鎖舖，相信亦只有呢啲大集團先租得起。
當然，畀得起租，當中嘅經營成本咪又係轉嫁到消費者身上，最明顯嘅就係家去茶餐廳、快餐店食個晏，間間都加2、3蚊，最低消費都成30、40蚊。推介方面，拜仁作客冇咗迪斯高嘅「狼堡」，贏得。
戰鬥員A
心水：拜仁慕尼黑勝[-1]
近5場戰績：LWWWL
心得：拜仁洛賓復出攻力增。