【本報訊】特首曾蔭權前日在立法會答問大會上，不點名指政府在申亞一事上「俾人跣」和「篤背脊」，外界均認為曾蔭權是「暗寸」曾提出動議辯論支持申亞的民建聯，不過該黨主席譚耀宗昨日在財委會上自爆，曾蔭權昨日親自致電給他，澄清「跣」人的並非民建聯，但譚不肯透露曾蔭權所說的「真兇」是誰。
罕有用盡時間發言
譚耀宗昨日在財務委員會會議上發言，先形容曾蔭權的申亞「俾人跣」和「篤背脊」言論「好生動」，接着自爆曾蔭權致電給他，澄清「真兇」不是民建聯，「今朝（昨日）早上，特首畀電話我，佢同我講，話佢唔係講民建聯」。財委會主席劉慧卿追問譚耀宗：「咁佢係講邊個？」譚卻拒絕回應，只稱：「佢（曾蔭權）話唔係我哋嘅責任，叫我唔好誤會，我就話我明白，多謝你澄清」。
譚耀宗又試圖為民建聯曾動議支持申亞，現在卻突然反對解畫，指改變立場是由於留意到，民意在去年1至9月間「有好大變化」，又狠批政府當初就申亞的諮詢文件粗疏，「市民對使咁多錢，有好多疑問」。譚又罕有地用盡5分鐘發言時間，令曾德成無法即時反駁。