香港20幾個商會、社團、媒體，一齊舉辦咗一個「2010香港商界最關注既10件大事」選舉，噚日仲舉行咗個頒獎禮（圖）。
華華望吓主辦單位名單，都係個啲名：中華廠商會、中國企業協會、廣東社團總會、福建社團聯會……再埋個頒獎嘉賓人腳：財爺曾俊華，中聯辦副主任郭莉、基本法委員會副主任梁愛詩……華華對於最後個評選結果，去年最受商界關注嘅新聞第一位，竟然係2012年政改方案獲得通過，真係一啲都唔意外！
政改呢單嘢，喺阿爺眼中梗係重要過人民幣清算協議簽訂、最低工資28蚊，同政府辣招打炒樓啦！但咁樣嘅組合點都撐煲呔啦！之不過華華問過另一啲無政治立場嘅banker、商家佬同芬佬同樣嘅題目，結果顯示，呢個選舉結果，係「超錯」囉！